Shkarkohet nga detyra Drejtori i Kardiokirurgjisë, Rifat Brahimaj

Shërbimi Spitalor Klinik Universitar ka njoftuar se ka liruar nga detyra drejtorin e Klinikës së Kardiokirurgjisë  Rifat Brahimaj. Ky vendim sipas SHSKUK-së ka ardhur pas analizës së bërë lidhur me ngjarjen e ndodhur ditë më parë në Klinikën e Kardiokirurgjisë, ku një pacient ka ndërruar jetë pas një operacioni të rrallë. Në lidhje me rastin drejtori Brahimaj kishte deklaruar se operacioni ishte kryer nga mjek jo kompetent.

“Shërbimi Spitalor Klinik dhe Universitar i Kosovës, njofton se pas analizës së situatës së fundit në Shërbimin Klinik të Kardiokirugjisë, është liruar nga detyra e ushtruesit të detyrës së drejtorit, Rifat Brahimaj.

Ushtrues detyre i drejtorit të Shërbimit të Kardiokirugjisë në QKUK është caktuar Dr. Shpejtim Shurdhiqi”, thuhet në njoftimin e SHSKUK-së./IndeksOnline/