Të shtëna me armë në Los Angeles, 10 të vdekur

Dhjetë persona kanë vdekur pas disa të shtënave masive me armë zjarri gjatë ditës së djeshme në Los Angeles.

Policia e Kalifornisë ka arritur të identifikojë personin e armatosur, që dyshohet të jetë edhe dorasi. I dyshuari, 72 vjeçari Huu Can Tran, u gjet i vdekur më vonë në një furgon të bardhë, shkruan BBC.

Të shtënat ndodhën menjëherë pasi mijëra njerëz u mblodhën për të festuar me rastin e Vitit të Ri Hënor.

Sipas policisë, sulmi u organizua në një studio kërcimi, rreth orës 22:22 të orës lokale, nga ku panë njerëz qe vraponin duke bërtitur.

Viktimat u trajtuan brenda dhe jashtë kësaj studioje.

I dyshuari, tashmë i vdekur, pasi kreu sulmin ishte nisur edhe drejt një tjetër studioje, por që aty arritën ta çarmatosin të pranishmit.

Tran dyshohet të ketë kryer vetëvrasje disa orë pas sulmit.