Humbja e peshës s’është një betejë e humbur, këto ushqime “shuajnë” hormonin e urisë
Sipas endokrinologëve në Qendrën Mjekësore të Universitetit VU në Amsterdam, dy hormonet më të rëndësishme për t’u kushtuar vëmendje për humbjen natyrale të peshës dhe ekuilibrin e energjisë janë grelina dhe leptina.
Shumë i quajnë ato hormone të urisë, sepse funksionojnë duke rritur ose ulur oreksin.
Grelina është një hormon që rrit oreksin. Është një peptid që stimulon çlirimin e hormonit të rritjes (GHR). Ai rritet para vakteve dhe ulet pas ngrënies. Prodhohet në stomak dhe ndryshon në varësi të marrjes së ushqimit.
Grelina është i vetmi hormon i njohur në trupin e njeriut që stimulon drejtpërdrejt oreksin dhe është arsyeja kryesore pse njerëzit përjetojnë “sulme urie”.
Grelina dhe hormonet e rritjes që lidhen me të rrisin peshën e trupit dhe masën dhjamore.
Niveli i grelinës rritet në situata stresuese, gjë që shpjegon pse shumë njerëz hanë nga stresi.
Konsumimi i vazhdueshëm i shumë pak kalorive rrit nivelet e grelinës. Në vend të kësaj, hani mjaftueshëm proteina, fibra dhe yndyrna të shëndetshme.
Proteina është frenuesi më i mirë i oreksit. Studimet tregojnë se një mëngjes me shumë proteina ul nivelet e grelinës në mënyrë më efektive sesa një vakt me më shumë karbohidrate. Përveç kësaj, proteina ngadalëson zbrazjen gastrike dhe rrit ndjesinë e ngopjes.
Mungesa e gjumit rrit ghrelinën dhe oreksin. Të rriturit duhet të flenë shtatë deri në nëntë orë. Ushtrimet e mëngjesit mund të përmirësojnë më tej ekuilibrin hormonal dhe të zvogëlojnë dëshirat për ushqime të pashëndetshme.
Praktikat si joga, meditimi, lutja, shkrimi i ditarit dhe kalimi i kohës në natyrë mund të ndihmojnë në uljen e stresit dhe kontrollin e oreksit.
Ushqimet ultra të përpunuara (ëmbëlsirat, pijet e gazuara, ushqimet e shpejta, ushqimet e lehta) aktivizojnë qendrat e shpërblimit në tru dhe e bëjnë të vështirë të ndiheni të ngopur. Në vend të kësaj, hani ushqime të plota të pasura me fibra dhe lëndë ushqyese (perime, fruta, vezë, peshk, arra)./Indeksonline/
