I dashuri i Kimit merr vendimin e madh

Lewis Hamilton, kampioni i botës shtatë herë në Formula 1, tashmë i dashuri i Kim Kardashian, njihet për karrierën e tij mbresëlënëse, por jashtë pistës ai e ka marrë seriozisht dietë për vite me radhë.

Ai është gjithnjë e më i zëshëm për të ushqyerit me bazë bimore, duke investuar në marka ushqimore me bazë bimore dhe duke mbrojtur të drejtat e kafshëve, transmeton Indeksonline.

Për të qëndruar në formë të shkëlqyer, ai ka hequr dorë edhe nga alkooli – gjë që e shtyu të lançonte markën e tij të alternativave joalkoolike të tekilës. Kohët e fundit ai zbuloi rutinën e tij të mëngjesit dhe vaktet e preferuara, shkruan EatingWell.

Hamilton thotë se përpiqet ta mbajë rutinën e mëngjesit sa më të qëndrueshme që të jetë e mundur, në mënyrë që dita të fillojë mirë. “Zgjohem, pi pak ujë, bëj pak shtrirje dhe marr një moment për të mbledhur mendjen”, shpjegon piloti i Formula 1. Vetëm atëherë ha mëngjes, i cili, sipas tij, zakonisht është i thjeshtë. Zakonisht zgjedh diçka me shumë proteina – bollgur ose një smoothie.

Vendimi për të hequr alkoolin nga rutina e tij e përditshme, thotë ai, erdhi nga dëshira për të nxjerrë maksimumin nga vetja në sport. “Gjithmonë e kam dashur tekilën, por për shkak të stërvitjes dhe një axhende të ngjeshur, zakonisht e anashkaloja”, shpjegoi ai. Meqenëse nuk mundi të gjente një alternativë jo-alkoolike në treg që ta “kënaqte” vërtet, vendosi ta bënte vetë./Indeksonline/