I zhdukur që nga 9 shkurti/ Policia, FSK e Zjarrfikësit në kërkim të 56-vjeçarit nga Vushtrria

Driton Strana nga Vushtrria, është i zhdukur që nga data 9 shkurt i këtij viti, shkruan Indeksonline.

Kërkimet për të kanë filluar, mirëpo deri më tani nuk është arritur gjetja e 56-vjeçarit.

Zëdhënësi i Policisë për rajonin e Mitrovicës, Avni Zahiti për Indeksonline tha se kërkimet për të kanë vazhduar edhe sot.

Ai u shpreh se Policisë i dolën në ndihmë edhe ekipe të FSK-së, Zjarrfikësit dhe vullnetarë.

“Kërkimet kanë vazhduar edhe sot në Vushtrri, në kërkim bashkë me Policinë ishin edhe ekipe të FSK-së, Zjarrfikësit e grupe të vullnetarëve“, tha ai.

Familjarët e Driton Stranës janë drejtuar te Indeksonline, ku përmes nesh kërkojnë që kushdo që ka informacione për të, të lajmërohet në numrat e telefonit 044381655 dhe 044830830.