Ibrahimoviqi: Milani – shtëpia ime e dytë

Sulmuesi veteran, Zlatan Ibrahimoviq, ka shprehur admirimin e tij për qytetin e Milanos.

Ish-reprezentuesi suedez po bëhet një temë e nxehtë pasi afati kalimtar i janarit tani është gati një muaj larg kur ai do të bëhet një agjent i lirë pasi kontrata e tij me klubin e Major League Soccer (MLS), Los Angeles (LA) Galaxy do të përfundojë .

AC Milani – një klub me qendër në Milano – po cilësohet si garuesi i parë që të fitojë shërbimet e ish- sulmuesit të Paris Saint Germainit (PSG) në afatin e transferimit të mes sezonit përpara të ngjashëmve me Napoli dhe Bologna.

Ibrahimoviqi, ndërsa fliste për “Gazzetta dello Sport”, shprehu admirimin e tij për qytetin e Milanos dhe e quajti atë “shtëpia e tij e dytë”.

“Milano nuk është qyteti im i dytë, është shtëpia ime e dytë,” tha ai. “Kam kujtime të mrekullueshme dhe një nga njerëzit më të besuar jeton atje. Vetë Italia është shtëpia ime e dytë. Unë i dua italianët. Zemra ime nuk u largua kurrë nga vendi yt”.

Ibrahimoviqi tashmë ka përfaqësuar të dy klubet me qendër në Milano — Inter dhe AC — në karrierën e tij ku ai ka shënuar më shumë se 120 gola të kombinuara për të dy klubet në më shumë se 200 ndeshje në të gjitha garat./Indeksonline/