Icardi është tifoz i Interit dhe nuk do të largohet

Mauro Icardi është bërë temë diskutimi te skuadra e Interit pasi drejtuesit vendosën t’i heqin shiritin e kapitenit.

Gruaja dhe menaxherja e tij, Wanda Nara ka qenë e përfshirë në këtë situatë ku po cilësohet si njëra nga fajtoret kryesore.

Ajo ka shpjeguar situatën dhe ka thënë se Icardi e dashuron skuadrën.

“Unë jam një tifoze e Interit dhe unë jam e zemëruar për atë që po lexoj. Sigurisht që njerëzit janë të këqij për ne. Dita që Mauro do të flasë dhe shpjegon do të ndryshojë shumë gjëra. Për shkak se ajo që Mauro ka treguar në fushë, me lot dhe përkushtim, është një lojtar që i dha gjithçka për fanellën. Shpresoj që kjo situatë e medias të zgjidhet . Unë përsëris: Mauro dëshiron të qëndrojë dhe dëshiron të vazhdojë karrierën e tij në Inter“, ka thënë Wanda Nara.

Mauro Icardi nuk është përfshirë në skuadër në disa ndeshje dhe po riaftësohet pas një lëndimi. /IndeksOnline/