IKSHPK organizon sot dhe nesër teste PCR për qytetarët në sheshin “Zahir Pajaziti” në Prishtinë
![](https://indeksonline.net/wp-content/uploads/2020/06/Infektivi-mjeket-tamponet-analiza-koronavirusi-terreni-kontrollet-testet-21-600x360-1.jpg)
IKSHPK-ja me një komunikatë shtypi, njofton se me gjithë situatën epidemiologjike, që ditëve të fundit ka shënuar rënie të rasteve, po vazhdon testimi dhe sensibilizimi i qytetarëve për parandalimin e COVIDIt-19.
Ndërkaq thuhet se ekipet e IKSHPK-së kanë organizuar sot testime plotësuese në sheshin “Zahir Pajaziti” në Prishtinë, për sot dhe nesër/
Marrja e mostrave të hundës dhe fytit, në baza vullnetare për qytetarët që dëshirojnë të testohen me RT-PCR.
Kjo është komunikata e plotë:
Komunikatë shtypi
Instituti Kombëtari Shëndetësisë Publike, me gjithë situatën epidemiologjike e cila ditëve të fundit ka shënuar rënie të rasteve po vazhdon testimin dhe sensibilizimin e qytetarëve në parrandalimin e COVIDIT-19.
Ekipet e IKSHPK-së po vazhdojnë hetimin epidemiologjik dhe gjurmimin e rasteve gjithandej vendit.
Task Team-i i IKSHPK-së ka organizuar testime plotësuese në sheshin “Zahir Pajaziti”:
1. Testimi bëhet prej orës 9.30 deri në orën 13.00 më 29 dhe 30 dhjetor 2020;
2. Marrja e mostrave të hundës dhe fytit, në baza vullnetare për qytetarët që dëshirojnë të testohen me RT-PCR;
3. Procedura e marrjes së mostrave bëhet sipas protokolleve të IKSHPK-së nga ekipet me përvojë, të cilat marrin mostra rregullisht në IKSHPK dhe në terren nëpër institucionet e ndryshme sipas indikacioneve epidemiologjike.
Duke pasur parasysh rëndësine e marrjes së mostrave për depistimin e rasteve të cilët nuk kanë shenja të sëmundjes.
IKSHPK-ja u apelon të gjithë qytetarëve që të vijnë të testohen në SARS-CoV-2, duke iu informuar gjithashtu se testimet vazhdojnë në IKSHPK dhe të gjitha qendrat rajonale të shëndetësisë publike në Kosovë.
Mbulojeni gojën dhe hundën me maska!
Mbajeni higjienën!
Respektojeni distancën!