Industria farmaceutike, sektori më i paguar në Zvicër

Industria farmaceutike ka kapërcyer sektorin bankar për të marrë vendin më të lartë në tabelën e të ardhurave zvicerane, zbulojnë të dhënat e sapo publikuara mbi pagat e ekzekutivit.

Drejtuesit më të lartë në industrinë farmaceutike tani kanë një pagë mesatare bruto prej 645,420 franga zvicerane (565,660 euro) kundrejt 526,000 franga për sektorin e shërbimeve bankare dhe financiare në vendin e tretë.

Në vendin e dytë është industria e sigurimeve ku paga bruto mesatare për drejtuesit e lartë është 643,104 franga, transmeton IndeksOnline.

Kjo është sipas të dhënave mbi pagat e ekzekutivit nga Zyra e Statistikave Federale të marra nga gazeta zvicerane NZZ am Sonntag.

Menaxherët e nivelit të mesëm në industrinë farmaceutike tani kanë një pagë mesatare bruto prej 280,000 franga kundrejt 220,000 franga për homologët e tyre në bankë, të cilët vijnë në vendin e tretë pas industrisë së sigurimeve.

Shifrat pasqyrojnë fatin e ndryshëm të dy industrive gjatë dekadës që nga kriza globale financiare.

Por drejtuesit më të lartë të bankave nuk mund qahen. Krahasuar me shumicën e industrive, ata vazhdojnë të bëjnë shumë mirë. Për krahasim, drejtuesit më të lartë në industrinë e shitjes me pakicë kanë një pagë mesatare bruto prej 149,016 franga zvicerane. Për sektorin e shëndetësisë, që është 229,244 franga dhe për sektorin e transportit, shifra është 204,416 franga.

Stafi jo-menaxhues

Për punonjësit pa përgjegjësi menaxhimi, të punësuarit më të lartë janë në telekomunikacion, me një pagë bruto mesatare prej 104,352 franga, e ndjekur nga industria e pharma (100,290 franga) dhe arsimi në 98,592 franga.

Në anën tjetër të shkallës, industritë me pagesë më të ulët në këtë nivel janë hotileria (49.932 franga) dhe më pas shitjet me pakicë ( 55.380 franga) dhe ndërtimtaria me 70.188 franga. /IndeksOnline/