Informacion për gjendjen e të gjitha rrugëve në Kosovë
Ministria e Infrastrukturës njofton qytetarët se në rrugën Prishtinë-Pejë, N9 te Kroi (Kroni) i mbretit” është bllokuar rruga për shkak të ujërave, mirëpo është intervenuar dhe është zhbllokuar nga kompanitë mirëmbajtjes dhe policia është në vendngjarje.
Në rajonin e Gjilanit 2, rruga R 124 drejtimi Kamenicë-Strezovc është e bllokuar për shkak të dëmtimit të urës nga vërshimet e ujit.
Në pjesën dalëse te autoudhës R7 (Ibrahim Rugova), në Mazgit që e lidhet me rrugën nacionale N2 kemi plasaritje (deformim) të rrugës, është sinjalizuar ajo pjesë e rrugës dhe po kujdeset kompania e mirëmbajtjes që komunikacioni të lehtësohet.
Në pjesën Gjilani 1, gjendja e rrugëve është e mirë, ka pasur reshje të shiut, dhe si pasojë ka pasur rrëshqitje gurësh, është intervenuar në largimin e tyre në të gjitha drejtimet. Ka vështirësi gjatë qarkullimit të automjeteve, por me kujdes të shtuar mund të kalohet.
Ne pjesën Ferizaji 1, rruga Brezovicë – Sharr ka dy pengesa, të cilat është intervenuar nga ekipet e mirëmbajtjes. Punimet që janë zhvilluar dhe vazhdojnë në vendosjen e disa gypave për ndërtimin e një hidrocentrali përgjatë kësaj rruge, në këtë viti (2020), kanë bërë që të ngushtohet rruga, parkimet që kanë qenë janë dëmtuar, mirëpo rruga është e kalueshme me kujdes të shtuar.
Si pasojë e këtyre dy problemeve të lartshënuara, intervenimi është bërë shumë i vështirë pothuajse i pamundur, problem tjetër është mungesa e e vendparkimeve dhe si pasojë e kësaj automjetet parkohen në rrugë duke na e bërë të pamundur në disa raste depërtimin e kompanive në atë pjesë.
Në pjesën Gjilani 2, në disa pjesë shkaku i reshjeve të shiut ka rrëshqitje dheu (Rr.Shpashnicë e Eperme -Desivojcëe kilometri 55-60), por që është intervenuar.
Në rajonin Peja 1, ka pasur reshje bore, po ashtu ka edhe reshje shiu me akull. Vazhdimisht është bërë largimi i borës dhe shpërndarja e kripës. Të gjitha rrugët janë të kalueshme.
Për shkak të reshjeve të shiut dhe shkrirjes së borë në rrugën N2 Prishtinë-QMI, afër rrethrrotullimit ka grumbullim të ujit në shtresa qarkulluese si pasojë e nivelimit te pronave përreth rrugës. Ne me ekipet tona me asistim të Policisë së Kosovës, si masë preventive kemi bërë mbylljen e qarkullimit në këtë segment rrugor nga rrethrrotullimi mbi hekurudhë deri në rrethrrotullim te QMI-a. Po ashtu kemi bërë hapjen e një kanali nëpër prona private në mënyrë që tëe largohet uji nga shtresat qarkulluese po largimi i ujit vazhdon me një intensitet të vogël pasi që ka grumbullim të ujit edhe në pronat rreth rrugës.
Është bërë largimi i materialit të rrëshqitur nga shtresat qarkulluese në rrugët : Veterrnik-Llabjan, Shtime-Carralevë, Prishtinë-Mutivodë dhe Komoran-Carralevë.
Në rrugën Ferizaj-Gjilan, konkretisht në Sojevë, ka vërshime shkaku i reshjeve, mirëpo kompania e mirëmbajtjes dhe Policia e Kosovës po kujdesen që t’i orientojnë shoferët në rrugë alternative.
Ministria e Infrastrukturës lut të gjithë qytetarët që të jenë të vëmendshëm dhe t’u përshtaten kushteve atmosferike gjatë ngasjes. Reshjet e shiut kanë bërë që të ketë vërshime në shumë rrugë, por po punohet që qarkullimi të jetë normal. Ministria e Infrastrukturës do t’ju mbajë të informuar për çdo ndryshim.
