Inspektorati e policia mbyllin kafiteritë në Fushë-Kosovë, kështu është situata rrugëve
Anipse Qeveria e Kosovës vendosi që anembanë Kosovës të bëhet mbyllja e kafiterive, restoranteve e kuadrove tjera të gastronomisë nga ora 21:00 deri në ora 05:00, qytetarë të shumtë janë parë rrugëve të Fushë-Kosovës në këto momente.
Pavarësisht se kafiteritë po mbyllen në ora 21:00, banorë të shumtë po vendosin që të shëtisin rrugëve, duke mos menduar fare për rrezikun e përhapjes së virusit COVID-19.
Në një video të dërguar në redaksi të Indeksonline shihet qartë numri i lartë i njerëzve që po vazhdojnë qarkullimin në Fushë-Kosovë, komunë kjo që po del të jetë problematike sa i përket kësaj çështje thuajse çdo mbrëmje./Indeksonline/