Inspektorati i Punës anulon shkarkimin e Nijazi Thaçit
Bordi i Përkohshëm i Korporatës Energjetike të Kosovës një muaj më parë shkarkoi drejtorin menaxhues të KEK-ut, Nijazi Thaçi.
Por Thaçi i kishte drejtuar një ankesë Inspektoratit të Punës, të cilët edhe i janë përgjigjur.
Inspektorati sot i është përgjigjur kësaj ankese, duke e cilësuar shkarkimin e tij si të jashtëligjshëm, shkruan Indeksonline.
Vendimin për kthimin e përgjigjes nga Inspektorati i Punës e ka konfirmuar edhe vetë Nijazi Thaçi, duke shtuar se atë e ka pranuar sot.
Institucioni në fjalë e obligon shfuqizimin e shkarkimit të Thaçit, në të kundërtën Bordi i Përkohshëm i KEK-ut do të mund të marrë gjobë.
Kësisoj obligohet që Nijazi Thaçi, të kthehet në pozitën e drejtorit menaxhues të cilët e udhëheqte deri para një muaji./Indeksonline/