Institucionet monitorojnë çmimet e naftës, tregtarët paralajmërojnë rritje drastike në Kosovës

Inspektorati Qendror i Mbikëqyrjes së Tregut, në kuadër të Ministria e Industrisë, Ndërmarrësisë, Tregtisë dhe Inovacionit, ka njoftuar se është duke zhvilluar mbikëqyrje intensive në tregun e derivateve të naftës për zbatimin e vendimit për rregullimin e përkohshëm të çmimeve dhe masave mbrojtëse, të nënshkruar më 4 mars 2026 nga ministrja Mimoza Kusari Lila.

Sipas njoftimit, qëllimi i këtij vendimi është mbrojtja e konsumatorëve, rritja e transparencës, garantimi i konkurrencës së ndershme dhe parandalimi i çrregullimeve në treg.

Inspektorati, në bashkëpunim me Administrata Tatimore e Kosovës, është duke analizuar të dhënat lidhur me çmimet e importit dhe ato të ekspozuara për konsumatorët në tregun vendor. Të dhënat zyrtare nga Doganat e Kosovës tregojnë se çmimi mesatar i importit për derivatet e naftës më 7 mars 2026 ka qenë:

• Naftë (dizel): 1.40 euro për litër
• Benzinë: 1.14 euro për litër

Ndërkohë, bazuar në monitorimin e tregut nga dita e shtunë deri më tani, çmimet e ekspozuara për konsumatorët në pikat e shitjes me pakicë janë:

• Naftë (dizel): nga 1.39 deri në 1.55 euro për litër
• Benzinë: nga 1.27 deri në 1.32 euro për litër

Sipas vendimit të 4 marsit, marzha tregtare maksimale e lejuar është dy eurocentë për litër për shitjen me shumicë dhe dymbëdhjetë eurocentë për litër për shitjen me pakicë. Marzha tregtare nënkupton diferencën mes çmimit të shitjes dhe çmimit të furnizimit.

Inspektorati ka bërë të ditur se ekipet kanë qenë në terren gjatë fundjavës dhe javës së kaluar dhe se monitorimi do të vazhdojë në bashkëpunim me Autoriteti i Konkurrencës i Kosovës dhe institucionet tjera relevante. Në rast të identifikimit të parregullsive, si mosrespektimi i marzhës së lejuar apo praktika që dëmtojnë konkurrencën dhe konsumatorët, do të ndërmerren masa sipas legjislacionit në fuqi.

Ndërkohë, nga Shoqata e Naftëtarëve ka pasur reagime lidhur me këtë situatë. Kryetari i kësaj shoqate, Fadil Berjani, ka kundërshtuar vendimin duke theksuar se në bursat ndërkombëtare çmimi i naftës ka shënuar rritje dhe, sipas tij, nëse trendi vazhdon, çmimi i naftës në treg mund të arrijë deri në 1.72 euro për litër.

Sot 1 litër naftë me pakicë ka çmimin 1.44.