Interi i ka në qejf kroatët, e merr supertalentin e Dinamo Zagrebit

Mesfushori i Dinamo Zagrebit, 21-vjeçari Petar Suçiç, do të vazhdojë karrierën te Interi.

Interi do t’i paguajë Dinamos dëmshpërblim në shumën 14 milionë euro plus dy milionë bonuse.

Gjithashtu, klubi i Zagrebit do të ketë të drejtë për një përqindje të transferimit të ardhshëm të Suçiqit.

Mesfushori i Dinamos, i cili ende po rikuperohet nga një dëmtim në këmbë, është planifikuar të udhëtojë në Milano këtë javë për testet mjekësore dhe të nënshkruajë një kontratë pesëvjeçare.

21-vjeçari do të vazhdojë të luajë për Dinamon deri në fund të këtij sezoni.

Suçiç do t’i bashkohet kështu listës së futbollistëve të shquar kroatë që kanë veshur fanellën e Interit, përfshirë Dario Šimić, Ivan Perišić, Marcelo Brozović dhe Marko Livaja./Indeksonline/