Iraku merr kontrollin e të gjitha fushave të naftës

Forcat irakiane kanë përfunduar një operacion për të marrë kontrollin e të gjitha fushave të naftës të operuara nga ndërmarrja shtetërore “ Nafta e Veriut” në rajonin e Kirkuk të martën, tha një oficer i lartë ushtarak.

“Forcat irakiane morën kontrollin e fushave të naftës Bai Hasan dhe Avana në veriperëndim të Kirkuk të martën, pasi kapën të hënën fushat e Baba Gurgur, Jambur dhe Khabbaz”, tha ai.

Zyrtarët e naftës në Bagdad thanë se të gjitha pikat e naftës janë duke funksionuar normalisht.

Fushat u mbajtën më parë nga forcat e sigurisë kurde të njohura si Peshmerga, por ata u tërhoqën nga zona përpara se forcat e qeverisë qendrore të Irakut të përparonin në këtë drejtim.

Dërgimi i forcave të qeverisë irakiane në Dibis të martën, ku ndodhen Bai Hasan dhe Avana, është pjesë e një operacioni të urdhëruar nga kryeministri Haider al-Abadi për të marrë kontrollin e zonave të mbajtura nga kurdët në tre provincat që formojnë rajonin autonom të kurdeve të Irakut./AktivPress