Irina, e lidhur me Tom apo me Lewis?

Irina Shayk mesa duket nuk është në një lidhje me Lewis Hamilton. Të paktën kështu shprehet një burim i afërt me modelen për “Page Six”.

Para pak ditësh supermodelja u kthye në kryefjalën e mediave për dyshimet e një lidhjeje të mundshme romantike me Lewis Hamilton, pasi të dy u fotografuan në Paris bashkë.

Katër ditë para se këto foto të bënin xhiron e rrjetit, Irina ishte parë me Tom Brady në New York. Kaq u desh që të nisnin fjalë për një trekëndësh dashurie që u bë publik menjëherë.

Madje fansat nxituan ta komentojnë këtë lajm edhe me faktin që Lewis dhe Tom janë fqinj në të njëjtin kompleks pallatesh në New York.

Burimi që hodhi poshtë lajmin për “Page Six” sipas raportimeve është mik i Shayk, dhe sipas tij, mes supermodeles dhe sportistit të Formula 1 nuk ka asgjë veç një miqësie të vjetër që daton para 13 vitesh.