Ish-ambasadori serb: Në këtë fazë nuk mund të presim shumë nga dialogu Kosovë-Serbi

Ish-ambasadori i Serbisë në Berlin dhe Londër Ognjen Pribiçeviq deklaroi se nuk është reale të presësh një lëvizje në negociatat midis Beogradit dhe Prishtinës këtë vit.

“Fakti që dialogu vazhdon është i mirë, por nuk mendoj se është realiste të presësh shumë nga ky dialog tani,” tha ai.

Sipas tij, Bashkimi Evropian dhe Shtetet e Bashkuara janë të ngarkuara me probleme të brendshme, duke thënë se cështjet që duhet të kenë prioritet janë ato të personave të zhdukur, pronësore-juridike dhe ekonomike.

I pyetur në lidhje me emërimin e Molly Montgomery, e cila vjen nga Fondacioni Madeleine Albright, në pozicionin e zëvendës ndihmës Sekretarit të Shtetit për Evropën, Pribiçeviq tha se zgjidhjet personale nuk janë vendimtare.

“Gjëja më e rëndësishme është të mbash ritmin në dialog, edhe nëse është më pak ambicioz,” tha ai.

Ndryshe, emisari special i BE-së Mirosllav Lajçak deklaroi ditë më parë se pret vazhdimin e procesit të dialogut me takimin ndërmjet Albin Kurtit dhe presidentit serb Aleksandar Vuçiq para verës. Kurti ka thënë se dialogu nuk është prioritet i parë dhe as i dytë i qeverisjes së tij.