Ish-burri i Jennifer Lopez fejohet me konkurrenten e Miss Universe, Nadia Ferreira

Vetëm tre muaj pasi u zyrtarizuan në Instagram me lidhjen e tyre, këngëtari Marc Anthony dhe ish-konkurrentja e Miss Universe Nadia Ferreira janë fejuar.

Lajmin e ka bërë të ditur Ferreira në Instagram Story, duke postuar një foto të duarve të saj dhe Anthony. Fotoja tregonte unazën e madhe të fejesës me diamant, si dhe një tatuazh me një vijë të zezë të trashë që Anthony ka në gishtin e majtë të unazës.

Këngëtari 53-vjeçar dhe Ferreira, 23-vjeçare, festuan fejesën e tyre të enjten mbrëma në restorantin Sexy Fish në Miami. Festa ishte planifikuar fillimisht si një festë e ditëlindjes së 23-të të modeles, që ishte 10 maji.

Anthony dhe Ferreira ndezën thashethemet për lidhje pas një daljeje në Mexico City në fillim të këtij viti, dhe dyshja konfirmuan romancën e tyre përmes Instagramit me një selfie të bërë në një aeroplan në mars, përcjell Klankosova.tv

Para lidhjes së tij me Ferreira, Anthony ishte martuar tre herë. Ai ishte i martuar me ish-Miss Universe Dayanara Torres nga viti 2000 deri në 2004, dhe çifti mirëpriti dy djem, Cristian dhe Ryan, përpara se të ndaheshin.

Fituesi tre herë i çmimit Grammy më pas ishte i martuar me Jennifer Lopez nga 2004-2014, e ndjekur nga Shannon De Lima nga 2014-2017. Ai ka gjashtë fëmijë: Ariana, Chase, Cristian, Ryan dhe binjakët Emme dhe Max.