Ish-gruaja e Trumpit flet për betejën e saj me kancerin e gjirit

Vanessa Trump, ish-gruaja e Donald Trump Jr., ka ndarë informacione të reja rreth betejës së saj me kancerin e gjirit, pasi zbuloi se iu diagnostikua sëmundja muajin e kaluar.

Në postimin e saj të fundit në Instagram, ajo konfirmoi se po shërohet nga operacioni dhe po përgatitet për fazën tjetër të trajtimit, raporton Unilad, transmeton Indeksonline.

Vanessa ndau një “përditësim personal shëndetësor” në Instagram muajin e kaluar , duke zbuluar se ishte diagnostikuar me kancer të gjirit dhe po punonte me ekipin e saj mjekësor për një plan trajtimi. “Kohët e fundit më diagnostikuan me kancer të gjirit. Edhe pse ky nuk është një lajm që askush nuk e pret, unë po punoj ngushtë me ekipin tim mjekësor për një plan trajtimi”, shkroi ajo në atë kohë.

Ajo gjithashtu falënderoi mjekët për kujdesin që i ofruan, përfshirë procedurën që kryen. “Mbetem e përqendruar dhe plot shpresë, e rrethuar nga dashuria dhe mbështetja e familjes sime, fëmijëve të mi dhe atyre që janë më afër meje”, shtoi 48-vjeçarja.

Vanessa u rikthye sërish në Instagram të shtunën, më 13 qershor, për të ndarë një përditësim mbi shëndetin e saj. Ajo zbuloi se është gati të fillojë fazën e dytë të trajtimit. Ajo nuk zbuloi se çfarë trajtimi po i nënshtrohej, por foli për rikuperimin e saj nga operacioni.

“Doja të ndaja me ju një përditësim në lidhje me betejën time me kancerin. Kam qenë duke u shëruar nga një operacion për katër javët e fundit dhe jam mirënjohëse që shërimi im po ecën mirë. Së shpejti do të filloj fazën e dytë të trajtimit. U dërgoj dashuri, forcë dhe shpresë të gjithë atyre që po kalojnë të njëjtën betejë”, tha ajo. Nuk dihet saktësisht se çfarë ndërhyrjeje kirurgjikale iu nënshtrua Vanessa si pjesë e fazës së parë të trajtimit pas diagnozës së saj./Indeksonline/