Ish-i i dërgon ‘selam’ Taylor Swift-it

Ndërsa interneti është ende i pushtuar nga fotot e fejesës së Taylor Swift dhe Travis Kelce, një tjetër emër po tërheq vëmendje me mënyrën e vet të heshtur por mjaft domethënëse: Kayla Nicole, ish-e dashura e Kelce.

Gazetarja sportive dhe modelja amerikane ka qenë për vite në krah të yllit të NFL, nga 2017 deri në 2022, mes ndarjesh dhe ribashkimesh. Pas ndarjes, Kelce nisi lidhjen me Taylor Swift në vitin 2023 — një romancë që nga një flirt i rastësishëm u kthye në një nga historitë më të mëdha të dashurisë së dekadës.

Vetëm pak ditë pas publikimit të fotove të propozimit luksoz me trëndafila dhe unazën e dizajnuar nga vetë Kelce, Nicole ndau një video nga palestra, duke shkruar:

“Qëllimi? Një shpinë që thotë: boll luajte me mua.”

Edhe pse nuk përmend askënd, momenti i zgjedhur dhe mesazhi i saj u lexuan nga shumë si një reagim i koduar ndaj fejesës.

Dy ditë më parë, Kayla kishte ndarë edhe një video të aktores Tracee Ellis Ross, e cila theksonte:

“Gëzimi është thjesht çështje perspektive.”

Mesazhe pozitive në dukje, por që mbartin një ngarkesë emocionale të fortë. Në maj, në podcast-in e saj “Pre-Game”, Kayla foli hapur:

“Ndonjëherë, kur ish-i yt lidhet me dikë tjetër, është e vështirë të pranosh që ajo mund të jetë e zonja, e bukur dhe nuk ka asgjë të keqe aty.”

Tani, me Taylor Swift — një nga superyjet më të mëdha në botë — në qendër të kësaj historie, fjalët e saj marrin peshë edhe më të madhe.

Nga ana tjetër, Travis Kelce vazhdon të shkëlqejë si një nga emrat më të mëdhenj të NFL-it, dhe me një unazë diamanti në dorën e Swift-it, fansat janë të bindur: kjo histori dashurie duket e destinuar për të zgjatur.