Ish-kandidati për kryetar të Podujevës Ajet Potera i bashkohet Ekrem Hysenit, në ditën kur Kurti e Bulliqi prezantojnë programin në Podujevë

Ajet Potera, ish-kandidat i Vetëvendosjes për Kryetar të Podujevës, i është bashkuar Kryetarit të LDK-së në Podujevë, Ekrem Hysenit.

Njoftimi është bërë i ditur nga vet Hyseni, i cili nëpërmjet një statusi në Facebook, ka thënë “bashkë me Ajet Poterën, për një qeverisje të pastër e me dinjitet, siç e meriton Podujeva dhe qytetarët e saj!”.

Tutje Hyseni ka thënë se ky është vullneti i qytetarëve e veprimtarëve të Podujevës.

Bashkimi i Ajet Poterës me Ekrem Hysenin vjen pikërisht në ditën kur Albin Kurti e Shpejtim Bulliqi do t’a prezantojnë programin e LVV-së për Podujevë.

Kjo është një ndër goditjet më të mëdha që LVV ka marrë në Podujevë, por siç bëhet e ditur nga burimet tona ka edhe figura të tjera të Vetëvendosjes që në ditët në vijim do t’i bashkohen Ekrem Hysenit dhe LDK-së.

Postimi: