Ish-këshilltarja e Kurtit i reagon Grenellit

Lëvizja Vetëvendosje ka reaguar pas akuzave të ish-emisarit amerikan për bisedimet Kosovë-Serbi Richard Grenell, se Albin Kurti gjithmonë ka qenë antiamerikan.

Fëllanza Podrimja, ish-këshilltare e Kurtit, ka shkruar në Twitter se “kur Grenell flet keq për ju, do të thotë se jeni në rrugën e duhur”.

“Rregulla nr. 2: kur Richard Grenell flet keq për ju, ju jeni në rrugën e duhur”, ka shkruar Podrimja.

Ish-ambasadori Grenell e ka quajtur Kurtin “antiamerikan”, pasi sipas tij, ai ka qenë kundër administratës dhe politikës së SHBA-së ndër vite, duke përmendur ish-presidentët George Bush, Bill Clinton, Barack Obama dhe Donald Trump.