Ish-oficeri serb paralajmëron konflikt civil në veri të Kosovës

Më shumë se 45 automjete ushtarake të KFOR-it kanë hyrë sot në veri të Kosovës. Ato po lëviznin në kolonë dhe sic duket po shkonin drejt Leposaviqit.

Përveç automjeteve luftarake, pjesëtarët e KFOR-it po ashtu bartnin pajisje për bllokimin dhe bërjen e pengesave, siç janë makinat ndërtimore, ekskavatorët, tela me gjemba.

Ish-oficeri serb i KOS (Shërbimi i Kundërzbulimit), Ljuban Karan, shpjegon se kjo është dëshmi se në të ardhmen roli i këtij misioni ushtarak do të jetë dukshëm negativ për popullin serb atje, transmeton IndeksOnline.

“Fatkeqësisht, KFOR-i do t’i shërbejë asaj që kemi menduar, formimin e ushtrisë. Plani tjetër është padyshim që të dorëzojë pushtetin e plotë ushtarak për shqiptarët, të cilët do të jenë të kënaqur nga baza amerikane e NATO-s në Bondstil në këtë drejtim” deklaron Karan.

Karani nuk dyshon se formimi ushtrisë do të vijë dhe beson se pajisjet e sjellura nga KFOR-i janë drejtuar në dy drejtime në veri.

“Teli me gjemba zakonisht është një pengesë për civilët dhe një çështje që rregullon rezistencën civile. Në këtë situatë, me sa duket, KFOR-i ka rolin e pjesëmarrjes në pushtimin e civilëve serbë në veri për të pranuar ushtrinë e Prishtinës” deklaron tutje Karan.

Sipas tij, për shkak të vendosjes së mundshme të ushtarëve në veri, një konflikt është i mundur, kryesisht civil, edhe pse ai thotë se serbët nuk janë të armatosur.

“Serbët nuk do t’i rezistojnë lëvizjes dhe vendosjes së KFOR-it sepse është e vetmja forcë e ligjshme ushtarake në Kosovë. Por me siguri do të sigurojë rezistencë ndaj një dislokimi të ardhshëm të ushtarëve të Kosovës. Ka probleme këtu, edhe pse ndoshta jo menjëherë pas formimit. Të gjitha këto përgatitje mund të jenë afatgjate. Kjo ushtri konvertohet ngadalë në veri nën maskën e KFOR-it. Të gjitha këto ngjarje nuk duhet të jenë aq intensive, por një përgatitje psikologjike për serbët për vendosjen e tyre” thotë Karan!

“Në këtë kontekst, prania e KFOR-it në veri, dhe veçanërisht përbërja dhe pajisjet e automjeteve, tregojnë frikën e reagimit të mundshëm të Serbisë”, përfundon Karan. /IndeksOnline/