Ish-ylli i Liverpoolit dhe Chelseat pensionohet nga futbolli
Ish-mesfushori i Anglisë dhe Chelseat, Joe Cole është pensionuar nga futbolli në moshën 37-vjeçare.
Cole, i cili ishte produkt i akademisë të së rinjëve të West Hamit, ka luajtur për klubet si Liverpool, Lille, Aston Villa, Coventry, etj.
Ai gjithashtu e ka përfaqësuar Anglinë në nivel ndërkombëtar, teksa ka shënuar 10 gola në 56 paraqitje, transmeton IndeksOnline.
”Ka qenë një ëndërr që është bërë realitet. Unë shpresoj se dy dekadat e ardhshme do të jenë speciale sikur 20 vitet e fundit si futbollist profesionist”.
Cole ka debutuar për West Hamin si 17-vjeçar dhe u bë kapiten i skuadrës londineze katër vite më vonë.
Në vitin 2003, ai iu bashkua Chelseat, ku fitoi tre tituj të Premier Leagues dhe dy tituj të FA Cup./IndeksOnline/