Ishte i dehur, një i ri shqiptar godet doktorin
Godet mjekun e spitalit e Peqinit, vihet nën pranga nga policia një 32-vjeçar.
Specialistët për Hetimin e Krimit në Komisariatin e Policisë – Peqin bënë arrestimin në flagrancë të shtetasit A. K., 32 vjeç, banues në Peqin.
Ky shtetas ka shkuar në spitalin e Peqinit dhe nën efektin e alkoolit ka goditur për shkak të detyrës mjekun Y. T.
Pas marrjes së njoftimit, shërbimet e policisë së Peqinit kanë shkuar menjëherë në vendngjarje, ku kanë bërë kapjen dhe arrestimin e autorit.
Materialet hetimore i kaluan Prokurorisë në Gjykatën e Shkallës së Parë Elbasan, për veprime të mëtejshme.