Ishte prezantuar si person zyrtar, shoqërohet në polici një qytetar nga Prishtina

Policia e Kosovës dje në Prishtinë, përkatësisht në rrugën “Ali Vitia” ka hasur në një person të dyshimt, ku gjatë kontrollit të veturës i është gjetur dhe konfiskuar një çertifikatë dhe një ID me të cilën i dyshuari më herët ishte prezantuar si person zyrtar.

I dyshuari është shoqëruar në stacionin policor dhe në lidhje me rastin është konsultuar prokurori i shtetit i cili rekomandon që i dyshuari të lirohet në procedurë të rregullt.

Rasti po vazhdon të hetohet nga Policia e Kosovës.