Ismail Dibrani emërohet drejtor i burgjeve në Kosovë

Ismail Dibrani është emëruar Drejtor i Përgjithshëm i Shërbimit Korrektues të Kosovës (ShKK).

Ashtu siç raportoi sot në mëngjes IndeksOnline, kabineti qeveritar ka marr vendim që Dibrani të jetë në krye të ShKK-së për një mandat të plotë.

Dibrani kishte dalë më i votuari në konkursin e shpallur nga Ministria e Punëve të Brendshme.

Ai që nga prilli i këtij viti ishte ushtrues i detyrës së drejtorit të ShKK-së ndërsa para se të bëhej UD kishte mbajtur pozitën e drejtorit në Burgun e Dubravës.

Dibrani gjatë këtyre muajve ishte tejet aktiv në kryerje të detyrës dhe ka dhënë një kontribut të madh në përmirësimin e sistemit të drejtësisë./IndeksOnline/