Izraeli godet qytetin Qantara në jug të Libanit, raportojnë mediat shtetërore

Sipas mediave shtetërore libaneze, forcat izraelite kanë goditur sot qytetin jugor të Libanit, Qantara, duke kryer një “operacion bombardimi”. Ushtria izraelite ende nuk ka komentuar për këtë sulm, shkruan BBC-i.

Më herët, IDF-ja tha se kishte goditur një lëshues raketash të Hezbollahut në zonën e Kfarkela-s, rreth 8.5 km larg Qantara-s.

Sulmet vijnë pavarësisht armëpushimit mes Izraelit dhe Libanit që hyri në fuqi më 16–17 prill. Sipas marrëveshjes, Libani duhet të parandalojë grupet e armatosura si Hezbollah nga sulmet ndaj Izraelit, ndërsa IDF-ja thotë se mbetet e pranishme në jug për shkak të aktivitetit të vazhdueshëm të Hezbollahut.