Izraeli merr përgjegjësi për sulmin në Doha të Katarit

Izraeli ka marrë përgjegjësinë e plotë për sulmet në Doha.

Zyra e kryeministrit Benjamin Netanyahu në një deklaratë zyrtare ka thënë se sulmi u kryer kundër terroristëve të Hamasit.

“Veprimi i sotëm kundër krerëve kryesore terroristë të Hamasit ishte një operacion tërësisht i pavarur izraelit.

Izraeli e nisi e drejtoi dhe merr përgjegjësi të plotë”, thuhet në deklaratë.

Kjo deklaratë vjen pas raportimeve se SHBA-ja luajti rol në operacion.

Një zyrtar izraelit tha se Donald Trump “dha dritën jeshile” për sulmin.

Nga ana tjetër, Ambasada amerikane në Katar ka lëshuar një urdhër strehimi për qytetarët amerikanë që gjenden në Doha.

Ajo u ka kërkuar qytetarëve të qëndrojnë në vende të sigurta dhe të monitorojnë rrjetet sociale të Ambasadës, për përditësime.