Izraeli thotë se një nga trupat e dorëzuar nga Hamasi nuk është peng

Izraeli thotë se një nga katër trupat e dorëzuar nga Hamasi nuk përputhet me asnjë nga pengjet  e marra.

Hamasi u detyrua të kthente 48 pengjet e mbetura, si pjesë e fazës së parë të planit të paqes në Gaza. Deri tani, 20 pengjet që janë gjallë dhe trupat e pajetë të shtatë pengjeve të tjera, janë kthyer, shkruan BBC-i, transmeton IndeksOnline.

Tre trupat e tjerë të dorëzuar mbrëmë janë: Tamir Nimrodi, Eitan Levi dhe Uriel Baruch.

Në përgjigje të vonesave në dorëzimin e trupave, Izraeli ka kërcënuar të kufizojë ndihmën në Gaza dhe të vonojë rihapjen e pikës kalimtare të Rafah.

Marrëveshja e armëpushimit duket se po has në vonesa, pasi Hamasi dhe fraksionet e tjera palestineze mund të mos jenë në gjendje të gjejnë mbetjet e pengjeve para afatit fillestar të hënën.