Izraeli vret krahun e djathtë të Hezbollahut në një sulm ajror në Bejrut

Ushtria izraelite ka thënë se ka vrarë sekretarin e kreut të grupit militant Hezbollah të mbështetur nga Irani.

Forcat mbrojtëse të Izraelit thanë se Ali Yusuf Harshi, nipi i Naim Qassem-it, u vra në një sulm ajror gjatë natës në Bejrut, shkruan Sky News.

“Harshi ishte një bashkëpunëtor i ngushtë dhe këshilltar personal i sekretarit të përgjithshëm të Hezbollahut, Naim Qassem, dhe luajti një rol qendror në menaxhimin dhe sigurimin e zyrës së tij”, tha IDF-ja.

“Gjatë natës, IDF-ja goditi dy kalime kyçe të përdorura nga terroristët dhe komandantët e Hezbollahut për lëvizje nga veriu në jug të lumit Litani në Liban për të transferuar mijëra armë, raketa dhe lansues”, thuhej ndër të tjera në deklaratë.

Rreth 10 depo armësh, lansues dhe qendra komande u goditën gjithashtu në Libanin Jugor, shtoi IDF-ja.