Ja kur do t’i hapë kufijtë Gjermania me 31 shtete evropiane

Autoritetet gjermane kanë parashikuar që të heqin kufizimet e udhëtimeve për turistët e 31 vendeve evropiane, duke nisur nga 15 qershori.

Sipas agjencisë së lajmeve DPA, Gjermania po planifikon që të rihapë kufijtë me të gjitha vendet e BE-së, me Britaninë e Madhe dhe me katër anëtarët e zonës së lëvizjes së lirë, Schengen: Islandën, Norvegjinë, Zvicrën dhe Lihtenshtajnin.

Ky plan pritet të dërgohet të mërkurën për miratim në kabinetin e kancelares gjermane, Angela Merkel.

Gjermani deri më tani regjistron mbi 180,000 raste të të infektuarve dhe rreth 8,300 viktima.