“Ja pse dështova te Milani”, Boniface tregon pse s’i kaloi testet mjekësore

Boniface rikthehet te transferimi i dështuar tek AC Milani. Sulmuesi afrikan ka folur për herë të parë për lëndimin dhe dështimin për t’u bashkuar me Milanin.

“Transferimi nuk u realizua për shkak të dëmtimeve të mia të kaluara. Kam pasur dy dëmtime në gjurin e djathtë dhe është diçka që e kam mbajtur me vete për një kohë të gjatë. Në një moment të caktuar, hoqa dorë nga futbolli. Kur të tjerët luanin futboll, unë thjesht po përpiqesha të rikthehesha. Pas dëmtimit të dytë të ligamentit të kryqëzuar anterior, as nuk doja të luaja më për shkak të dhimbjes nga i pari dhe asaj që kalova me të dytin. Gjatë asaj kohe, humba edhe nënën time”, tha Boniface./Indeksonline/