Java e 25-të e Superligës, sot dy ndeshje interesante

Sot zhvillohen dy përballje interesante në Superligën e Basketbollit kosovar.

Ndeshjet janë të vlefshme për javën e 25-të të PrinceCaffe Superligës, shkruan IndeksOnline.

Përballja e parë do të zhvillohet në Gjakovë mes Vëllaznimit dhe Trepçës.

Kuqezinjtë ndodhen në vendin e pestë dhe kanë siguruar “Play-off”-in, kurse ‘Xehetarët’ kanë siguruar vendin e parë dhe do të luajnë pa presion. Skuadra nga Gjakova numëron 11 fitore e 13 humbje, kurse ajo nga Mitrovica 22 fitore e dy humbje.

Kjo ndeshje zhvillohet nga ora 17:00

Ndeshja tjetër e ditës së sotme luhet mes Pejës dhe Golden Eagle Yllit

Kampionët e Kosovës renditen në vendin e dytë me 17 fitore e shtatë humbje, kurse therandasit janë në pozitën e tretë me 15 fitore e nëntë humbje.

Kjo ndeshje zhvillohet nga ora 19:00./IndeksOnline/