Jennifer Grey pretendon se ish-i fejuari, Johnny Depp ishte ‘xheloz i çmendur dhe paranojak’

Në autobiografinë e saj të ardhshme, ylli i “Dirty Dancing”, Jennifer Grey shkroi për marrëdhënien e saj të shkurtër me Johnny Depp, sipas një raporti nga The Independent.

Duke reflektuar për marrëdhënien, Grey e përshkroi Depp si “xheloz të çmendur dhe paranojak” me një “temperament të keq”, sipas revistës.

Johnny Depp është aktualisht në mes të një gjyqi për shpifje kundër ish-bashkëshortes së tij Amber Heard. Depp po e padit Heard për 50 milionë dollarë për një shkrim të Washington Post që Heard shkroi në vitin 2018, në të cilin ajo identifikohej si e mbijetuar e abuzimit në familje. Heard nuk e përmendi emrin e Depp në artikull. Amber po kundërshton Depp për 100 milionë dollarë.

Në librin e saj të ardhshëm të kujtimeve “Out of the Corner”, Jennifer Grey kujtoi se agjenti i saj e lidhi atë në një takim me Depp në vitin 1989.

“Ne hëngrëm, folëm, pimë Jack Daniel’s, qeshëm, bëmë pauza cigaresh. Ai ishte kaq qesharak dhe i bukur…”, shkroi ajo për The Independent.

Sipas Grey, Depp i propozoi asaj për martesë brenda dy javësh nga takimi me të.

Por shumë shpejt lidhja filloi të ndërlikohej.

“…Johnny po udhëtonte çdo javë, kishte filluar gjithnjë e më shumë të gjendej në telashe: zënka në bare, përleshje me policët”.

Grey kujton në libër se ajo i dha fund gjërave me Depp pasi ai u nis për një takim dhe nuk e kontaktoi për shumë orë. Kujtimet e Grey, “Out of the Corner”, janë në dispozicion të martën, më 3 maj.