Jetmir Topalli debuton me skuadrën e re në Superligën e Turqisë

Jetmir Topalli ka debutuar edhe zyrtarisht për ekipin e Yeni Malatyaspor në Superligën e Turqisë.

Ish-sulmuesi i Ballkanit është inkuadruar në lojë në minutën e 80-të të ndeshjes, teksa i zuri vendin sulmuesit Umut Bulut.

Paraqitja e Topallit ishte relativisht e mirë, teksa pati dy mundësi për shënim, por goditjet e tij përfunduan pranë portës.

Për fatin e keq të Topallit skuadra e tij  Yeni Malatyaspor e humbi ndeshjen me rezultat të thellë ndaj Fatih Karagumruk (3-0).