01:46 / E Martë, 14 Janar 2020

Jo gjithmonë burrat ankohen kot gjatë dimrit

Është përfolur prej dekadash për të ashtuquajturin “gripi i burrave”, por, sipas një eksperti, është koha që mos ta marrim aq lehtësisht.

Dr. Kyle Sue, një mjek kanadez gjetjet e të cilit janë publikuar te Revista Mjekësore Britanike, pretendon se ndryshimet psikologjike mes burrave dhe grave mund të çojnë në reagime të ndryshime ndaj ftohjeve dhe viruseve.

“Studimi e vë theksin te fakti që burrat kanë një sistem imunitar më të dobët kur bëhet fjalë për infeksionet e zakonshme virale dhe gripit”, tregon ai për të përditshmen “The Guardian.

“Kjo  tregohet në faktin që ata kanë simptoma më të përkeqësuara, që zgjasin më shumë, dhe janë më të predispozuar që të përfundojnë në spital apo në raste edhe më të rralla edhe të vdesin nga kjo”.

Sue analizoi një sërë studimesh ku janë përfshirë si kafshë ashtu edhe njerëz, dhe zbuloi se testosteronet mund të ngadalësojnë reagimin e sistemit imunitar ndaj gripit, ndërsa që hormonet e seksit femëror mund ta rrisin atë. Ai citon gjithashtu studime që kanë zbuluar se burrave iu duhet dyfish kohë që të shërohen nga sëmundjet virale krahasuar me gratë.

“Duhet të bëhen më shumë studime, të cilësisë së lartë, që kontrollojnë për faktorë të tjerë mes burrave dhe grave para se mund të themi me siguri që kjo diferencë në imunitet ekziston”, tregon Sue për “The Guardian”.

“Ndodh edhe sepse gratë janë më elastike,  e rimarrin veten më shpejt dhe janë të afata të manovrojnë më shumë kur janë të sëmura”.

Mos i humb