“Ju bëftë mirë syfyri i parë!”/ Kurti uron Ramazanin

Kryeministri i Republikës së Kosovës, Albin Kurti, ka uruar fillimin e muajit të shenjtë të Ramazanit.

Në një postim në Facebook, Kurti shkroi se Ramazani është muaj i vetpërmbajtjes individuale dhe i solidaritetit kolektiv, transmeton IndeksOnline.

“Ai na fton që veten ta rigjejmë te bashkësia dhe na rikujton se begatia është bekim, ndërkaq empatia është virtyt” shkroi Kurti.

Ky është postimi i plotë:

Ramazani është muaj i vetëpërmbajtjes individuale dhe i solidaritetit kolektiv, i mëshirës hyjnore dhe i mirësisë njerëzore. Ai na fton që veten ta rigjejmë te bashkësia dhe na rikujton se begatia është bekim, ndërkaq empatia është virtyt.

Të gjithë besimtarëve e besimtareve myslimane ju uroj përzemërsisht agjërim të lehtë dhe përmbushje shpirtërore. Ky muaj i veçantë ju sjelltë paqe në shpirt dhe lumturi në zemër.

Ju bëftë mirë syfyri i parë!