Ka lëvizje serioze për Casemiron, pranë kalimit në Premierligë
Bisedimet mes Manchester United dhe Casemiros po vazhdojnë edhe sot. Raportohet se skuadra e madhe angleze është afër transferimit të mesfushorit brazilian.
David Ornstein raporton se bisedimet po avansojnë dhe me hapa të sigurt po shkohet drejt marrëveshjes. Perez dhe Ancelotti kanë pranuar shitjen e tij ngase kanë zëvëndësuesin ideal në skuadër, Tchoamenin.
30 vjeçari Casemiro poashtu është i interesuar për lëvizje ngase ka fituar të gjitha kupat e mundshme me Real Madridin dhe e sheh të nevojshme të provojë një eksperiencë të re.
Shifrat e transferimit tani do të diskutohen dhe së shpejti pritet përgjigje finale nga të dy palët./Indeksonline/