Kadaj-Bujupi: Sylejman Selimi s’është kriminel, por shëmbëlltyra e rezistences 100 vjeçare

Ish komandanti i përgjithshëm i UÇK-së, Sylejman Selimi, pas lirimit nga burgu është emëruar këshilltar politik nga kryeministri i vendit Ramush Haradinaj.

Për këtë emërim ka reaguar ambasadori amerikan, Philip Kosnett, i cili ka kundërshtuar këtë emërim, transmeton Indeksonline.

E sot, kundër ambasadorit ka dal deputetja e AAK-së, Donika Kadaj Bujupi në një postim në Facebook ka shkruar se komandant Sylejman Selimi nuk është kriminel luftë.

Sipas saj, Selimi është shëmbëlltyra e një rezistence 100 vjecare. Më poshtë postimi i Kadaj-Bujupit:

Komandant Sylejman Selimi nuk është kriminel lufte. Ai është shëmbëlltyra e një rezistence 100 vjeçare. Me armë të gjata mbi krye dhe në një proces kontravers u gjykua nga Eulexi. Sipas fjalëve të disa dëshmitarëve që as fshatrat e tyre nuk i njihnin, ai u dënua me 14 vjet. Praktikat e gjykimeve të tilla kanë treguar se sistemet juridike shterpe kanë nevojë për gjak të freskët. Komandant Selimi nuk mund të jetë kurbani i një therrtoreje të panevojshme.