Kadaj: Programi ynë qeverisës e ka prioritet mjedisin!
Kandidatja për deputete nga radhët e AAK-së, Donika Kadaj – Bujupi ditën e sotme e ka kaluar duke eksploruar dhe promovuar turizmin malor.
Ajo përmes një shkrimi të postuar në llogarinë Facebook, ka treguar se një nga prioritetet e programit qeverisës së AAK-së është edhe mjedisi.
Ky është postimi i saj i plotë:
MJEDIS TË PASTËR PËR ZHVILLIM TË QËNDRUESHËM
Programi ynë qeverisës e ka prioritet mjedisin. Rritje e buxhetit, ndryshim qasjeje. Ky është mëngjesi i 7 tetorit.
Tokat e ndotura bujqësore, degradimi i lumenjve, pyjet e shkatërruara, ajri i keq dhe uji i ndotur ndikojnë çdo ditë në përkeqësimin e shëndetit tonë. Rrjedhimisht edhe në pazhvillueshmërinë tonë socio-ekonomike.
Humanizimi i zhvillimit, duke e parandaluar shkatërrimin e mjedisit, e bën më ta qasshëm zhvillimin për të gjithë.
Kosovë 100% e pastër!
Kosovë 100% e zhvilluar!