Kallas dënon shkeljen e hapësirës ajrore të Moldavisë, nga dronët rusë

Përfaqësuesja e Lartë e BE-së për Marrëdhënie me Jashtë, Kaja Kallas, ka dënuar shkeljen e hapësirës ajrore të Moldavisë, nga dronët rusë.

Nëpërmjet një reagimi zyrtar, Kallas ka thënë se kjo gjë nuk është e pranueshme dhe e vë në rrezik trafikun ajror civil, shkruan IndeksOnline.

“Shkeljet e hapësirës ajrore të Moldavisë nga dronë rusë janë të papranueshme dhe vënë në rrezik trafikun ajror civil.

BE-ja po investon 20 milionë euro këtë vit në mbrojtjen ajrore të Moldavisë për të ndihmuar në forcimin e sigurisë së vendit.

Qielli i Moldavisë nuk mund të bëhet viktimë e luftës së Rusisë” u shpreh ajo.

Kujtojmë se Moldavia, që është në kufi me Ukrainën, u detyrua të mbyllë hapësirën ajrore, pikërisht për shkak të sulmeve ruse me dronë.