“Kam punuar në një fabrikë për ta mbajtur familjen”, Astrit Selmani tregon se çfarë ka bërë para futbollit

Futbollisti i Kombëtares së Kosovës, Astrit Selmani gjatë një interviste për “digisport” në Rumani ka treguar një histori interesante që pak e kemi ditur.

27-vjeçari para se të merrej me futboll kishte punuar në një fabrikë vetëm për ta mbajtur familjen e tij, shkruan Indeksonline

Gjithashtu, Selmani tregon se futbollit profesionist ia filloi në moshën 21-22 vjeçe.

“Kam luajtur profesionalisht nga mosha 21-22 vjeçe, pra para katër apo pesë vjetësh. Më parë kam punuar edhe në fabrika dhe kam bërë gjithçka për të mbetur gjallë”, u shpreh Selmani

Astrit Selmani, i cili është pjesë e Kombëtares së Kosovës, por jo në ndeshjet e nëntorit, tani është pjesë e klubit FC Dinamo në Rumani, ku në 15 ndeshje ka shënuar shtatë gola dhe ka bërë katër asiste.

“Unë kam qenë një mesfushor defensiv. Me pëlqen të luftoj në fushë. Në nivel profesional kam luajtur nga mosha 21-vjeçe. Ishte thjesht një argëtim. Më parë punoja deri në tetë apo nëntë orë në ditë, me pagë minimale. Kam punuar në fabrika”, vazhdoi futbollisti kosovar

Kujtojmë de tani vlera e lojtarit të Dinamo-s është plotë 600 mijë euro në sajtin e njohur “Transfermarkt”./Indeksonline/