Shukri Buja merr mbështetje të madhe nga qytetarët e Shalës

Kandidati i Partisë Demokratike të Kosovës (PDK) për kryetar të Komunës së Lipjanit, Shukri Buja, bashkë me kandidatin për Kuvend Komunal, Edison Beqiri, kanë zhvilluar mëngjesin e sotëm një takim miqësor me qytetarët e fshatit Shalë.

Gjatë bashkëbisedimit, Buja theksoi mirënjohjen e shaljanëve për investimet e realizuara gjatë dy mandateve të tij si kryetar, investime që – sipas tij kanë sjellë zhvillim të dukshëm në këtë zonë.

“Qytetarët e Shalës e dinë se fjala ime është zotim. Projektet për këtë trevë do të shtohen dhe rriten edhe më shumë në mandatin e ardhshëm,” deklaroi Buja, duke nënvizuar se mbështetja e fuqishme nga banorët është një garanci për fitore dhe për një të ardhme më të mirë për Shalën.

Takimi u vlerësua si një dëshmi e afërsisë së kandidatit me qytetarët dhe përkushtimit të tij për të vazhduar me projektet zhvillimore në këtë pjesë të komunës./IndeksOnline/