Kandidati për president të Barcelonës e tregon planin për rikthimin e Messit

Në vitin 2026, Barcelona do të mbajë zgjedhjet e radhës për president, me disa kandidatë që synojnë ta largojnë Joan Laportën. Njëri prej tyre është Marc Ciria, fushata e të cilit mban emrin “Moviment 42”.

Ciria, me formim në ekonomi dhe financa, e sheh veten si kandidatin ideal për të zgjidhur problemet financiare të Barcelonës. Siç ka deklaruar për Sport, ai synon ta realizojë këtë duke rikthyer në klub Lionel Messin, i cili ka një marrëdhënie të tensionuar me Laportën.

“Leo Messi është global. E vërteta është se është për t’u pasur zili dhe ne duhet të marrim shembull nga shumë gjëra, sepse ai ka profesionistë të nivelit të lartë në çdo aspekt. Pra, kjo nuk ka të bëjë me të shkuarit për të ngrënë një barbeque, por me propozimin e një projekti real, në të cilin Leo Messi është partner strategjik për klubin. Rrethi dhe njerëzit që vendosin së bashku me Leo Messin kanë një projekt që ai të jetë partner strategjik në të gjitha fushat ku ne kemi urgjentisht nevojë të rrisim të ardhurat.

“Vetëm një fakt: ne po gjenerojmë 994 milionë euro të ardhura. Në vitin financiar 2017-18, me për mua bordin më të keq drejtues në historinë e klubit, gjeneronim 990 milionë euro. Nëse llogarisim vetëm inflacionin dhe koston e jetesës, Barça sot duhej të ishte në 1.200 miliardë euro të ardhura. Ose e kuptojmë që Leo Messi është strategjik, jo për sot, por për të ardhmen e klubit dhe për të mbrojtur e ruajtur modelin e pronësisë, ose nuk po e kuptojmë botën e sportit.”

Ciria u pyet gjithashtu nëse do të tentonte ta rikthente Messin përpara se ai të tërhiqet si futbollist.

“Do të doja shumë që Leo Messi t’i thoshte lamtumirë fushës si lojtar i Barcelonës, por nëse kjo nuk është e mundur, atëherë le të jetë si figurë institucionale dhe komerciale, që do të na sigurojë ato burime për të cilat kemi nevojëKandidati për president të Barcelonës e tregon planin për rikthimin e Messit