Kandidati për President të Barcelonës, Victor Font tregon planin për rikthimin e Leo Messit

Kandidati për President të Barcelonës, Victor Font ka shpalosur sot një plan për rikthimin e Leo Messit në skuadër.

Sulmuesi argjentinas është një ikon e klubit dhe çdo tifoz i Barcelonës do të dëshironte rikthimin e tij, shkruan IndeksOnline.

Font ka thënë se ka punuar tashmë disa vite për pajtimin me Messin dhe kjo nuk do të ndodh nëse Joan Laporta do të rizgjidhet president.

”Pajtimi me Messin është një përparësi. Ne kemi punuar në një projekt për Leo Messin për dy vjet me një plan tredimensional. Ekziston një platformë institucionale për të rivendosur lidhjen midis Messit dhe institucionit dhe kjo do ta bëjë Barçën edhe më të madhe. Ekziston një platformë komerciale sepse, nëse ka një lidhje Messi-Barça, të dy markat rriten dhe ne mund të gjenerojmë para, mund ta përdorim atë si levë. Dhe ekziston një platformë sportive që ne gjithashtu do ta shpjegojmë.”, ka deklaruar Font.

”Ne kemi punuar për këtë për pothuajse disa vjet dhe ia kemi dërguar propozimet që i kemi bërë Messit. Ne besojmë se, si një anëtar aktiv i Barcelonës, fakti që dihet që ai nuk është i detyruar të marrë pjesë ose që nuk dëshiron të marrë pjesë aktive, mendoj se është ajo që ka gjithë kuptimin në botë, por edhe ne, si anëtarë me aspirata për të qeverisur klubin, duhet të jemi në gjendje t’u shpjegojmë anëtarëve se çfarë propozojmë. Ajo që dimë është se nëse Laporta vazhdon të qeverisë, ky pajtim nuk do të jetë i mundur.”, vazhdoi tutje Victor Font.

Mbetet të shihet nëse Leo Messi do të rikthehet te Barcelona qoftë si futbollist apo me ndonjë rol tjetër në klub, pasi aktualisht është lojtar i skuadrës amerikane, Inter Miami./IndeksOnline/