Kanosi me armë dy vëllezër, policia arreston një të dyshuar në Prizren

Policia në Prizren ka pranuar një informatë se në lagjen “Arbana”, është një rast i kanosjes me armë.

Ankuesit, vëllezër mes vete, raportohet se kanë pasur një mosmarrëveshje me fqinjin e tyre A.H.

Sipas policisë, palët fillimisht janë fjalosur, e me pas i dyshuari ka hyrë në shtëpinë e tij, nga ku ka nxjerr armën.

Sipas ankuesve, i njëjti ka shtënë dy herë me armë. Pasi janë dëgjuar të shtënat e armës ankuesit janë larguar dhe me pas kanë njoftuar policinë.

“Njësitet policore menjëherë i janë përgjigjur rastit duke lokalizuar, identifikuar dhe arrestuar të dyshuarin (viti i lindjes 1955), i cili dyshohet se ka kanosur me armë zjarri ankuesit: D.Q. (viti i lindjes 1989) dhe D.Q  (viti i lindjes 1987).

Njësitet policore gjatë hetimit të rastit ka gjetur dhe  sekuestruar ne cilësinë e provave materiale:

• një pistoletë VZOR 50 cal.7.65 mm

• një karikator i zbrazur dhe 26 fishekë” thuhet në njoftimin e policisë.

Të dyshuari janë shoqëruar në stacionin policor në Prizren.

Pas intervistimit, Prokurori ndaj të dyshuarit ka lëshuar masën e ndalimit për 48 orë dhe ndaj tij do të ngritët kallëzim penal për veprat penale ‘Kanosje”, “Armë mbajtjeje pa leje” dhe “Përdorim i armës”.