11:58 / E Shtunë, 09 Nëntor 2019

Kanye West dëshiron të bëhet President i ShBA-së, mendon të ndryshoj edhe emrin

I irrituar nga një ngatërresë e dukshme nga Forbes Magazine, ylli i hip-hopit, Kanye West thotë se po mendon për një ndryshim të emrit.

Sipas Newsweek , West, i cili kohët e fundit bleu një fermë të madhe pranë Cody, Wyoming, u tha të pranishmëve në Fast Company Innovation Festival në NewYork se ai dëshiron të përdorë emrin për t’u thënë amerikanëve të tjerë të zinj që të dinë se është e mundur të arrihet statusi i miliarderit.

“Martin Luther King nuk u vra sepse ai kishte një ëndërr, ai kishte diçka tjetër për të cilën do të fliste,” citohet të thotë West. “Ai foli për fuqizimin e zi, fuqizimin ekonomik.

West tha “Kur bëra Forbes, u tregova një faturë prej 890 milion dollarësh dhe ata ende nuk më thanë “miliarder “. Ata nuk duan që ne të dimë se ne mund të blejmë tokë, ata nuk duan që ne të kemi pronësinë 100 përqind që kam në Yeezy, “tha  West për vendimin e Forbes për të mos e klasifikuar atë si miliarder.

“Tani që e kam bërë biznes dhe njerëzit thonë se është e rastësishme ta quash veten miliarder, unë mund ta ndryshoj ligjërisht emrin tim në Christian Genius Billionare Kanye West”, tha tutje reperi.

Yeezy është markë e mallrave dhe modës e reperit që ai shpreson të përdorë për të sjellë më shumë punë prodhuese në SHBA, përfshirë Wyoming.

Kohët e fundit West është bërë një konvertues i krishterë, duke lëshuar një album të ri fetar të quajtur “Jezusi është Mbreti” dhe duke mbajtur një numër koncertesh të kishave në natyrë, duke përfshirë një në Cody.

Kanye West gjithashtu së fundi ka shprehur dëshirën për kandidimi për president të Amerikës në 2024./Indeksonline/