Kaos në Kazakistan: Shpërthime dhe të shtëna, mbi 2 mijë të arrestuar

Një shpërthim dhe të shtëna me armë janë dëgjuar afër sheshit qendror të Almaty-t, qytetit më të madh në Kazakistan ditën e sotme. Në të njëjtën kohë, automjetet ushtarake u panë duke u nisur drejt sheshit, shkruan Reuters.

Sipas dëshmitarëve, të shtënat janë dëgjuar nga zona ku ndodhet zyra e kryebashkiakut në Almaty, e cila u sulmua nga protestuesit të mërkurën.

Bëhet fjalë për ushtarë që kanë qëlluar mbi protestuesit dhe makinat në sheshin qendror të qytetit.

Ndërkohë gjatë incidenteve mbetën të vrarë dhjetëra protestues dhe 12 policë, ndërsa u dogjën disa ndërtesa qeveritare.

Sipas autoriteteve, një punonjës policie u gjet me kokë të prerë. Kurse, deri më tani janë bërë të paktën dymijë arrestime.