Katër hapat që duhet t’i ndiqni nëse doni të dobësoheni

Kilogramët e tepërt janë një problem serioz për shumë njerëz në ditët e sotme. Por humbja e peshës nuk është kurrë një punë e lehtë.

Zakonisht duhen dieta të rrepta dhe orë të gjata në palestër, shumë durim dhe përkushtim por padyshim edhe shumë kohë të lirë, diçka që pothuajse të gjithëve na mungon.

Ne shpesh fillojmë një regjim për humbje peshe por pas një kohe humbasim interesin.

Por sikur të kishte një mënyrë më të lehtë dhe më të thjeshtë për të humbur peshë?

Ne në fakt po ju tregojmë se ka një mënyrë shumë më të lehtë për të zhdukur të gjithë kologramët e padëshiruar – thjesht ndiqni katër hapat e mëposhtëm dhe shumë shpejt do të shihni se ia keni arritur qëllimit!

Hapi i parë: Rishqyrtojeni dietën tuaj

Përpiquni të minimizoni sasinë e sheqerit dhe karbohidrateve në dietën tuaj. Zëvendësoni pijet e gazuara dhe plot sheqer me çaj, ëmbëlsirat me fruta, arra, bajame, lajthi e të tjera dhe sheqerin me mjaltë.

Hani më shumë perime dhe ushqime me fibra.

Hapi i dytë: Bëni aktivitet fizik

Vraponi për 30 minuta në ditë dhe shumë shpejt do të shihni ndryshime pozitive në trupin tuaj. Nëse e keni të vështirë të vraponi 30 minuta në fillim, filloni duke ecur dhe me më pak minuta.

Gradualisht shtoni numrin e minutave dhe ecjen zëvendësojeni me vrapim. Vrapimi djeg 2,5 herë më shumë kalori se ecja.

Notoni të paktën 30 minuta 2-3 herë në javë. Zgjidheni stilin dhe ritmin që ju e pëlqeni. Gjëja më e rëndësishme është të jeni në lëvizje, sepse çfarëdo ushtrimi në ujë ju ndihmon të dobësoheni më shpejt: një orë not intensiv ju ndihmon të digjni 500 kalori.

Vozitja e biçikletës është një nga ushtrimet më të mira që mund t’i bëni nëse doni të humbni peshë. Aplikojeni 2-3 herë në javë.

Hapi i tretë: Forconi muskujt

Ushtrimet kardio ju ndihmojnë të largoni kilogramët e tepërt por nuk e bëjnë barkun tuaj të jetë krejtësisht i rrafshët.

Prandaj, përpos ushtrimeve kardio duhet t’i aplikoni edhe disa ushtrime të tjera që t’i forconi muskujt tuaj.

Ushtrimi ‘vakum’

Ky është një ushtrim shumë i mirë. Për ta bërë këtë, vetëm thitheni të gjithë ajrin nga mushkëritë tuaja, tërhiqni muskujt dhe mbani frymën tuaj për 15-20 sekonda. Përsëriteni këtë 10 herë, 3-4 herë në ditë dhe disa javë më vonë do të vini re se beli juaj është zvogëluar.

Plank

Një ushtrim i thjeshtë por shumë efektiv. Qëndroni në këtë pozitë si në foto 2-3 herë në ditë për 30 sekonda, duke shtuar gradualisht kohën.

Përpos që ky ushtrim djeg kalori, i bën edhe muskujt tuaj më të fortë, përmirëson qëndrimin tuaj dhe lehtëson dhimbjet e shpinës.

Hapi i katërt: Relaksoni muskujt tuaj

BONUS:

Pas ushtrimeve, bëni një dush të ftohtë.

Temperaturat e ulëta jo vetëm ndihmojnë për të zvogëluar sasinë e acidit laktik në trup që shkakton dhimbje të muskujve, por gjithashtu djegin kalori shtesë sepse e bëjnë trupin të punojë më shumë për të mbajtur ngrohtë.